15-октябрь күни Әжинияз атындағы Нөкис мәмлекетлик педагогикалық институтында Япония халықаралық бирге ислесиў шөлкеми – JICA халықаралық шөлкеминиң волонтёрлары менен ушырасыў болып өтти. Бул ҳаққында институттың халықаралық байланыслар бөлими методисти С.Есемуратова хабар берди.
Халықаралық шөлкемниң волонтёрлар координаторы Камидате Бунсеи ҳәм волонтёр Фужики Юилар менен өткерилген ушырасыўда мийманлар шөлкем ҳәм оның хызметлери туўралы мағлыўматлар берди.
Япония халықаралық бирге ислесиў шөлкеми ўәкиллери Нөкис мәмлекетлик педагогикалық институты менен ҳәр тәреплеме бирге ислесиўден мәпдар екенлигин билдирип, алдағы ўақытлары бирге ислесиў бойынша өз ара келисип алды.
Мағлыўмат ушын, жақын ўақытлар ишинде Нөкис мәмлекетлик педагогикалық институтының шет тиллери факультетинде волонтёр Фужики Юи студентлерге япон тилинен сабақ бериўи жобаластырылған.
Ислам Матеков.
Сайтымыздың телеграмдағы каналына ағза болың: https://t.me/karinformuz
