![](\"http://img.uz/d/2018/10/5bc8a04178c15.jpg\")
Усы жылдың 18-октябрь сәнесинде Нөкис қаласында журналистлерди қайта таярлаў орайы ҳәм Орайлық Азия аймақлық экологиялық орайы тәрепинен «Суў ҳәм суў ресурсларынан нәтийжели пайдаланыў мәселелери» атамасындағы семинар-тренинг шөлкемлестирилди. Онда Қарақалпақстан Республикасындағы ғалаба хабар қураллар – газета, радио, телевидение ҳәм интернет сайтларынан журналистлер ҳәм экологиялық ҳәрекеттиң ўәкиллери қатнасты. Семинар-тренингде бүгинги күнде дүнья жүзинде ишимлик суўының жетиспеўшилиги, оның унамсыз ақыбетлери, суўдан үнемлеп пайдаланыў ушын халықтың арасында түсиник жумысларын алып барыў, бул теманы ғалаба хабар қуралларында сәўлелендириў бойынша мәселелер додаланды.
![](\"http://img.uz/d/2018/10/5bc8a06106e7f.jpg\")
Проекттиң тийкарғы мақсети журналистлер ҳәм мәмлекетлик емес коммерциалық емес шөлкемлердиң ўәкиллери ушын суў ҳәм суў ресурсларынан нәтийжели пайдаланыў мәселелери ҳаққында журналистлердиң шеберлигин арттырыў, ғалаба хабар қуралларында усы тема бойынша ҳәр түрли жанрлардағы материалларды сәўлелендириўге жәрдемлесиўден ибарат.
Сахибжамал Есемуратова
