Аўыр көрпе жақсы уйқлаўға жәрдем береди

Америкада алып барылған изертлеў нәтийжеси бойынша, жеңил көрпеге қарағанда аўыр көрпелер адамның жақсы уйқлаўына көмеклеседи екен. Жеңил салмақтағы көрпе адамды уйқы ўақтында тынышсызландырады. Ал аўыр салмақлы көрпелер болса буның керисиншеси. Бул көпшилик адамлар арасында алып барылған изертлеўге бола анықланған. Уйқлаған ўақытта аўыр салмақтағы көрпе жамылып жатсаңыз, массаж ислетип атырғандай сезим пайда болады. Буннан денеңиз босасып, денеге рәҳәт береди. Илимпазлардың айтыўынша, бул жағдай баланың өз анасы қушағында жатыўы менен тең екен. Сондай-ақ, бундай көрпе адам организминде депрессия, қорқыныш, агрессия сыяқлы жағдайларды болдырмайтуғын серотинниң артыўын тәмийинлейди. Көрпениң аўыр ямаса жеңил болыўы адамның өзиниң салмағына да байланыслы.

Сахибжамал Есемуратова.