2018-жылы Қарақалпақстанда неше бала дүньяға келген?

2018-жылдың январь-декабрь айлары аралығында Қарақалпақстанда 40,1 мың бала туўылған, 8,6 мың адам дүньядан өткен. Бул ҳаққында Мәмлекетлик статистика комитети хабар берди.
2019-жылдың 1-январь ҳалатына муўапық, Қарақалпақстан Республикасы халқының саны 1869,7 мың адамды қурайды. Мийнетке жарамлы жасынан кишилер 30,7%ти, мийнетке жарамлы жастағылар 60,3%ти, мийнетке жарамлы жастан үлкенлер 9,0% ти қурайды.
Өзбекстан Республикасындағы аймақлардың тығызлығы бойынша мағлыўматларға итибар карататуғын болсақ, республика бойынша 1 кв.кмге 74,1 адамнан туўры келеди. Халықтың ең тығыз жайласқан орны Андижан ўәлаятында 1 кв.кмге 713,2 адамнан, ал Қарақалпақстан Республикасында 11,2 адамнан туўры келеди.

Сахибжамал Есемуратова