Оқытыўшы ең көби менен неше саат сабақ бериўи мүмкин?

Алыс аймақларда, таўлы районларда жайласқан мектеплер ямаса қәнигелер жетиспейтуғын, еки сменалы мектеплерде оқытыўшыларға ең көп неше саатқа шекем сабақ өтиўге руқсат бериледи, деген сораўға huquqiyaxborot каналы төмендегише жуўап берген:
Өзбекстан Республикасы Министрлер Кабинетиниң 2005-жыл 21-декабрьдеги 275-санлы қарары менен тастыйықланған Халық билимлендириў хызметкерлери мийнетине ҳақ төлеў ҳаққындағы уставтың 18-бәнтине муўапық, айрықша жағдайларда халық билимлендириў шөлкемлеринде хызметкердиң разылығы менен кәсиплер (лаўазымлар)ди бирге қосып алып барыўға, сондай-ақ, өзиниң тийкарғы жумысы менен биргеликте жумыста ўақытша болмаған хызметкерлердиң ўазыйпаларын орынлаўы мүмкин. Бунда лаўазымларды қоса алып барыў бойынша жумыс ўақтының жәми даўамлылығы жыллық көлеми 1548 саат жумыс ўақтының 50%нен, яғный жыл даўамында 774 сааттан артық болмаўы керек.
Сондай-ақ, Министрлер Кабинетиниң 2012-жыл 18-октябрьдеги 297-санлы қарары менен тастыйықланған «Қосымша ўазыйпа (Орынласлық) тийкарында ҳәмде бир неше кәсипте ҳәм лаўазымда ислеў тәртиби ҳаққындағы устав»ы қосымшасының 6-бәнтине муўапық, улыўма билим бериў мектеплери оқытыўшыларының усы шөлкемде белгиленген мийнет нормасынан артық болған, бирақ, сол жумыс түри бойынша жумыс ўақты нормал даўамлылығының 50%нен көп болмаған жумысы қосымша ўазыйпа (орынласлық) тийкарында жумыс алып барыў есапланбайды ҳәм олардың мийнетине тастыйықланған тарификация тийкарында ҳақ төленеди.

Сахибжамал Есемуратова