Нөкисте ММА бойынша биринши мәрте Өзбекстан чемпионаты өткериледи

Нөкис қаласында биринши мәрте рәсмий түрде аралас қағыйдалар бойынша Өзбекстан ММА чемпионаты өткериледи. Бул ҳаққында Оламспорт басылымы хабар берди.
Биринши мәрте өткерилетуғын Өзбекстан чемпионатында жәми 8 салмақ категориясы бойынша чемпионлар анықланады. Спортшылар -56,7, -61,2, -65,8, -70,3, -77,1, -84, -93 ҳәм +93 кг салмақ категориялары бойынша жекпе-жекке шығады.
Жобаға муўапық, Өзбекстан чемпионаты 17-февраль күни өткериледи. Олимпия системасындағы сайлап алыў жарыслары 10:00 ден басланады. Саат 17:00 де болса финал жарысларына старт бериледи. 16-февраль күни спортшылардың салмағын өлшеў илажлары шөлкемлестириледи.

Ислам Матеков.

Сайтымыздың телеграмдағы каналына ағза болың: https://t.me/karinformuz