Республиканың бас психиатры ҳәм бас суицидологы лаўазымлары енгизилди

Өзбекстан Республикасы Президенти «2019-2025-жыллары Өзбекстан Республикасы халқының руўхый саламатлығын қорғаў хызметин раўажландырыў концепциясын тастыйықлаў ҳаққында»ғы қарарға қол қойды. Бул ҳаққында Kun.uz хабар берди.
Ҳүжжет тийкарында, Өзбекстан Республикасы Денсаўлықты сақлаў министрлиги, Ишки ислер министрлиги ҳәм Инновациялық денсаўлықты сақлаў миллий палатасының Өзбекстан Республикасы Денсаўлықты сақлаў министрлиги лаўазымлары қатарына «Өзбекстан Республикасы Бас психиатры» ҳәм «Өзбекстан Республикасы Бас суицидологы» лаўазымларын киргизиў ҳаққындағы усынысы қабыл етилди.
Руўхый жағдайы бузылған шахслар оларға психиатриялық жәрдем көрсетилиўи ўақтында мәмлекетлик системасы шеңберинде бийпул юридикалық жәрдем алыў ҳуқықына ийе екенлиги белгилеп қойылды.

Ислам Матеков.

Сайтымыздың телеграмдағы каналына ағза болың: https://t.me/karinformuz