Және бир неше спорт түрлери бойынша жеңимпазлар жоқары оқыў орынларына имтихансыз қабыл етилетуғын болды

Ҳүкиметлик қарар тийкарында халықаралық ҳәм республикалық олимпиадалар, таңлаўлар, жарыслардың жеңимпазлары болған академиялық лицейлер, кәсип-өнер колледжлери ҳәм улыўма билим бериў мектеплериниң оқыўшыларын сыйлықлаў тәртиби ҳаққындағы уставқа қосымшалар киргизилди. Бул ҳаққында Әдиллик министрлигиниң «Ҳуқуқий ахборот» каналы мәлим етти.
Киргизилген қосымшаларға муўапық, спорттың техникалық ҳәм әмелий түрлери, автомобиль ҳәм мотоцикл спорты, авиамодель ҳәм ракетамодель бойынша республикалық жарысларда биринши, халықаралық жарысларда биринши, екинши, үшинши орынларды ийелеген оқыўшылар жоқары оқыў орынларына тест сынақларысыз және қосымша имтиханларсыз оқыўға қабылланады.
Алдын бундай жеңиллик тек ғана спорттың олимпия түрлери, гүрес, шахмат-шашка бойынша жарыс жеңимпазларына берилетуғын еди.

Ислам Матеков.

Сайтымыздың телеграмдағы каналына ағза болың: https://t.me/karinformuz