Орайлық базардағы автокөликлер турар орнында саўдагерлердиң ҳәр түрли затларды сатып отыратуғынлығын билемиз. Олар ҳәттеки саз кесекти де сатады. Тийкарғысы, халық арасында буған талап бар. Сол орынлардың биринен саўда ислеп атырып, күтилмеген жазыўға көзим түсти. Саз кесектиң сатылыўын реклама қылыў ушын болса керек, оған «қаймақлы кесек» жазыўы жазылған. Қызық, кесекте де қаймақ бола ма? Бундай саз кесеклердиң сатылыўын тоқтатыў ушын оның зыянлы тәреплери санап өтилген мақалалар да көплеп жазылмақта. Бирақ, олардың сатылыўын қадағалаў мына жақта турсын, оларды қызғын түрде реклама қылыў даўам етпекте.
Сахибжамал Есемуратова
