Нызамшылыққа муўапық пенсияға шығыў ушын зәрүр болған ҳүжжетлер топламын жыйнаў жуўапкершилиги пуқара ислеп атырған мәкеме мойнына жүклетилген, деп жазады t.me/huquqiyaxborot каналы.
Буның ушын:
- Мәкеме администрациясы ҳәр жылы декабрь айында жеке бетлер ҳәм мийнет дәптери тийкарында кейинги жылы улыўма ҳәм ўақтынан бурын пенсия алыў ҳуқықына ийе болатуғын хызметкерлер дизимин дүзеди;
- Дизимге киргизилген хызметкерлерге мәкеме администрациясы пенсия тайынлаў ушын ҳүжжетлерин алдыннан таярлаўға кириседи. Керек болғанда мәкеме администрациясы жетиспей атырған ҳүжжетлерди сорап алыў илажларын көриўи керек;
- Мәкеме адимнистрациясы топланған барлық ҳүжжетлер тийкарында пенсия тайынлаў ушын усыныснаманы рәсмийлестиреди.
- Мәкеме, хызметкер пенсия жасына жеткен күннен кешиктирмей оның пенсия алыў ҳуқықына ице болғанлығын билдириўге мәжбүр.
- Хызметкер пенсия тайынлаў ҳаққында арза берген жағдайда мәкеме администрациясы усы арза дизимге алынған ўақыттан баслап 10 күн ишинде зәрүр ҳүжжетлерди ҳәм усыныснаманы толық рәсмийлестиреди ҳәм арза бериўшини олар менен таныстырады.
Сахибжамал Есемуратова
