ҚМУда халықаралық бирге ислесиў раўажланбақта

Бердақ атындағы Қарақалпақ мәмлекетлик университети ректоры А.Реймов басшылығындағы делегация усы жылдың 11-12-апрель күнлери Москва мәмлекетлик миллий изертлеў қурылыс университетинде болып, еки университет ректорлары университетлер арасындағы бирге ислесиўдиң келешектеги ис-режелери ҳаққында сәўбетлести, деп хабар бермекте университет баспасөз хызмети.



Тийисли қәнигеликлер бойынша академиялық мобиллик, докторантура, оқытыўшылардың тәжирийбе алмасыўы, биргеликте илимий конференциялар шөлкемлестириў бойынша шәртнамаларға қол қойысты. Сондай-ақ, ҚМУ делегациясы Москва мәмлекетлик миллий изертлеў қурылыс университетиниң имаратлардың самалға қарсылығын сынаў, аэродинамикалық труба, қурылыс материаллары ҳәм имаратларды сынаў, сынаў моделлери, «Ақыллы үй»лер қурылысы илимий лабораториялары менен танысып, бул бойынша пикирлер алмасты.