Күнниң темасы: Жол ҳәрекетине киргизилген жаңа өзгерислер бойынша жәриймаға тартыў қашаннан басланады?

Өзбекстанда жол ҳәрекети қағыйдаларына киргизилген жаңа өзгерислер бойынша жәриймаға тартыў бир айдан соң басланыўы мүмкин. Бул ҳаққында Ташкент қалалық ИИББда болып өткен илажда атап өтилди, деп жазады Kun.uz.
Мағлыўматта атап өтилиўинше, усы бир ай даўамында тийисли нормативлик-ҳуқықый ҳүжжетлерге өзгерис киргизиледи. Атап айтқанда, көплеген пикир-таласларға себепши болып атырған шырақларды қосып жүриў бойынша климатлық шараятлар есапқа алыныўы мүмкин.
Сондай-ақ, илажда атап өтилиўинше, усы ўақытқа шекем надурыс тоқтап турыў ушын 7179 жағдайда жәрийма қолланылған.
Еслетип өтемиз, ҳүкиметтиң 2019-жыл 9-апрельдеги Жол ҳәрекети қағыйдаларына өзгерис киргизиў ҳаққындағы қарары қабыл етилди.

Ислам Матеков.

Сайтымыздың телеграмдағы каналына ағза болың: https://t.me/karinformuz