Ўйинчоқ кема Шотландиядан Африкагача сузиб боради

Шотландиянинг Абердиншир деган жойида истиқомат қилувчи Фергюсонлар оиласи, яъни оила бошлиғи Макнил ва унинг 8 ёшли Олли ва 5 ёшли Гарри исмли ўғиллари денгизга ўйинчоқ кема юборган.



Аввалига улар кемани мустаҳкам ишлаб чиққан ва унга Adventure дея ном беришган. Улар кемани шу йилнинг май ойида денгизга юборган. Фергюсонлар кема йўлида учраган одамлар атаб мактуб ҳам ёзган. Унда Олли ва Гарри Adventure кемасини кўрган одамлардан маълумот беришни сўраган.



Уларнинг илтимоси бажарилди. Ҳозир кема 630 километр сузиб, Дания қирғоқларига етган. Бу ҳақда кемани кўрган одамлар хабар қилган. Сўнг кемани Швеция қирғоқларида бир аёл топиб олган. У Фергюсонларга кеманинг буталарга илиниб қолганини айтиб, сўнг уни тузатиб, денгизга юборганини ёзиб юборган. Кема сўнг Норвегияга етган. У ердаги ОАВлар «Шимолий денгизни сузиб ўтган кема» мавзусида мақолалар чоп этган.



Ўйинчоқ кема бундан сўнг денгизда «Кристиан Радич» кемасига дуч келиб, борт таркибидагиларнинг маълумотларига кўра, Adventure улар билан бирга Африка қирғоқларига сузиб бормоқда. Борт аъзолари ўйинчоқ кемани Яшил боб деган жойда денгизга юборади ва у Атлантика океани орқали сузиб кетади.

Ислам МАТЕКОВ.