Ҳаж сапары ушын жаңа баҳалар жәрияланды

Быйылғы жылдан баслап өзбекстанлы мусылманлар ушын Ҳаж сапары қәрежетлери 33,3 миллион сумға шекем арзанлатылды. Бул ҳаққында Kun.uz хабар берди.
Хабарда жазылыўынша, өткен жылы Ҳаж зыяратын әмелге асырыў қәрежетлери 38 миллион сумды қураған еди. Быйылдан баслап Сауд Арабиясында барлық хызметлерге 5 процентлик қосылған қун салығы ҳәм мийманханаларға 2,5 процентлик салық енгизилди. Усы тийкарда быйыл Ҳаж зыяраты қәрежетлери шама менен 42-43 миллион сум болыўы күтилип атырған еди. Өз-ара сөйлесиўлерден соң Ҳаж сапары қәрежетлери 33,3 миллион сумға шекем арзанлатылды.
2016-жылы Өзбекстаннан 5200 адам Ҳаж әмеллерин атқарып қайтқан болса, 2017-жылдан баслап 7200 өзбекстанлы Ислам дининиң муқаддес парызларының бирин атқарыў имканиятына ийе болды.
Алдын пуқараларымыз Умра зыяратына шекленген квота тийкарында жиберилген болса, өткен жылдан баслап оларға жыл даўамында квотасыз Умра зыяратына барыў имканияты жаратылды.
«Ҳаж-2019» мәўсиминен соң Умра сапары 1,3 миллион сумға арзанластырылды. Сондай-ақ, «Ҳаж-2018» төлеминен аўысқан 926,9 мың сум қаржы ҳәр бир зыяратшыға қайтарып берилди, - деп жазылған хабарда.

Ислам Матеков.

Сайтымыздың телеграмдағы каналына ағза болың: https://t.me/karinformuz