Студентлердиң мийнетлериниң көргизбеси болып өтти

Өзбекстан Республикасы Көркем өнер академиясы Қарақалпақстан бөлими көргизбелер сарайында Әжинияз атындағы Нөкис мәмлекетлик педагогикалық институты педагогика факультети сүўретлеў өнери ҳәм инженерлик графикасы бағдары студентлериниң мийнетлериниң көргизбеси ашылды.
Республикалық көлемде өткерилип атырған «Сүўретлеў ҳәм әмелий өнер ҳәптелиги» шеңберинде шөлкемлестирилген илаж «Гөззаллық әлеми» деп аталып, онда 18 студенттиң 100 ден аслам мийнетлери тамашагөйлер итибарына усынылды.



Графика, живопись, соның менен бирге, әмелий қол өнери үлгилери, дизайнерлердиң мийнетлеринен дүзилген көргизбеде Қарақалпақстан халық художниги Жеңис Лепесов ҳәм институт жәмәәти сөзге шығып, жаслардың мийнетлерине жоқары баҳа берди ҳәм белсене қатнасқан студентлерге ҳүрмет жарлықлары тапсырылды.

Ислам Матеков.

Сайтымыздың телеграмдағы каналына ағза болың: https://t.me/karinformuz