Президент мектеплерине оқыўға тапсырыў ушын қандай ҳүжжетлер талап етиледи?

Президент мектеплерине кириў ушын сайлап алыў таңлаўында қатнасыў ушын талабанның ата-анасы ҳәм нызамлы ўәкиллери белгиленген мүддетлерде Қабыллаў комиссиясына төмендеги ҳүжжетлерди усынады:

- арза;
- талабанның анкетасы;
- талабанның ҳүжжетлери усынылған ўақытта оқып атырған мектебинен мағлыўматнама;
- талабанның денсаўлығы ҳаққындағы мағлыўматнама;
- 2 дана фотосүўрет (3х4);
- туўылғаны ҳаққындағы гүўалықтың нусқасы.

Талабанның ата-анасы (нызамлы ўәкиллери) көрсетилген ҳүжжетлерди мәлимлеме-коммуникациялық технологияларды қоллана отырып электрон тәризде де тапсырыў ҳуқықына ийе.
Мағлыўмат ушын, Президент мектеплерине ҳүжжетлерди қабыллаў басланыўынан кеминде 10 календарь күн алдын Жумысшы орган Өзбекстан Республикасында тарқатылатуғын ғалаба хабар қуралларында Президент мектеплерине қабыллаў тәртиби, ҳүжжетлерди тапсырыў мүддетлери ҳәм квоталары ҳаққында кең жәмийетшиликке мағлыўмат береди.

Ислам Матеков.

Сайтымыздың телеграмдағы каналына ағза болың: https://t.me/karinformuz