![](\"http://img.uz/d/2019/05/5cd15db84b1e1.jpg\")
Қырғызстандағы «Ашшы сөз» газетасының 2019-жыл 3-май күнги санында «Қарақалпақстан тәсирлери» атамасындағы мақала жәрияланды. Онда Ош мәмлекетлик университети оқытыўшысы Бахтыгүл Байтикованың жақында 22-25-апрель күнлери бир топар кәсиплеслери менен Қарақалпақстандағы сапарынан алған тәсирлери жазылған.
![](\"http://img.uz/d/2019/05/5cd15dd52c88a.jpg\")
Усы жылдың 22-апрель күни Қарақалпақ мәмлекетлик университетинде «Глобалласыў процесинде ғалаба хабар қуралларының роли» атамасындағы дәслепки халық аралық конференция болып өткен еди. Конференцияға Украинаның Киев миллий мәденият ҳәм көркем өнер университети, Қырғызстанның Ош мәмлекетлик университети профессорлары қатнасып баянат жасады.
![](\"http://img.uz/d/2019/05/5cd15e4007ac8.jpg\")
Конференцияның екинши күни, 23-апрель күни мийманлар Мойнақ районында болып, Ҳәким ата – Сулайман Бақырғаныйдың қойымшылығын зыяратлады, Мойнақ районына қараслы 2- ҳәм 3-санлы мектеплерде болып, оқыўшыларға китаплар саўға етти.
![](\"http://img.uz/d/2019/05/5cd15e6c134b2.jpg\")
Буннан соң «Корабльлер қойымшылығы» ҳәм Мойнақ маягы, Экологиялық музейде болды. Конференцияның үшинши күни қатнасыўшылар Хийўадағы «Ийшан қала» тарийхый орнында болып, ол жердеги ески имаратлар, тарийхый орынлар менен танысты.
![](\"http://img.uz/d/2019/05/5cd15df625618.jpg\")
![](\"http://img.uz/d/2019/05/5cd15e91c2fd7.jpg\")
Мақала соңында автор өзлерине тили де, дини де, үрп-әдет дәстүрлери де жақын болған Қарақалпақстанға сапарынан кеўли толғанлығын билдирип өткен.
Сахибжамал Есемуратова
