Балалар бақшаларында бир қатар хызметкерлерге 100 процентлик муғдарда қосымша ҳақы төленеди

Мектепке шекемги билимлендириў мәкемелериниң жумысларын еле де жетилистириў илажлары ҳаққындағы ҳүкиметлик қарар қабыл етилди. Бул ҳаққында Әдиллик министрлигиниң «Ҳуқуқий ахборот» каналы хабар берди.
Қарарға муўапық, 2019-жыл 1-майдан баслап мәмлекетлик көп тармақлы қәнигелестирилген мектепке шекемги билимлендириў мәкемелери басшыларының, педагог хызметкерлер ҳәм медициналық хызметкерлериниң лаўазымлық мийнет ҳақыларына 100 процентлик муғдарда қосымша ҳақы төленеди.
2019-жыл 1-сентябрьден баслап мәмлекетлик көп тармақлы қәнигелестирилген мектепке шекемги билимлендириў мәкемелериниң тәрбияшылары жәрдемшилериниң, сондай-ақ, қоспа типтеги мәмлекетлик мектепке шекемги билимлендириў мәкемелериндеги раўажланыўында физикалық ямаса руўхый кемшилиги болған балаларға арналған топарларда ислейтуғын тәрбияшылар, педагог хызметкерлер ҳәм медициналық хызметкерлер жәрдемшилериниң лаўазымлық мийнет ҳақыларына 100 процентлик муғдарда қосымша ҳақы төленеди.

Ислам Матеков.

Сайтымыздың телеграмдағы каналына ағза болың: https://t.me/karinformuz