Жумыссызлық напақасы қандай жағдайларда, қанша муғдарда ҳәм ўақытқа тайынланады? ҚР Бәнтлик ҳәм мийнет қатнасықлары министрлиги жуўап берди

Жумыс излеўши пуқара Бәнтлик ҳәм мийнет қатнасықлары министрлигине мүрәжат еткеннен соң оның қәнигелиги бойынша 10 күнниң ишинде кеминде 2 жумыс орнына усыныс бериледи. Егер усы жумыс орынлары қәнигеге мүтәжлик жоқ екенлиги ҳаққында жуўап қайтарса, пуқараға ўақытша жумыссызлық напақасы тайынланады.
Жумыссызлық напақасының муғдары ең кем мийнет ҳақының бир есеси муғдарына тең болып (ҳәзирги ўақытта 202 730 сум), жумыссыз деп табылған пуқараға 6 ай даўамында төленеди.
Бул ҳаққында бүгин, 16-май күни пайтахтымыздағы Жаслар орайында «Жедел инвестициялар ҳәм социаллық раўажланыў жылы» Мәмлекетлик бағдарламасы шеңберинде әмелге асырылып атырған жумысларды додалаўға бағышланған баспасөз конференциясында шығып сөйлеген Қарақалпақстан Республикасы Бәнтлик ҳәм мийнет қатнасықлары министриниң биринши орынбасары Б.Ильясов айтып өтти.

Ислам Матеков.

Автордың түсирген фотосы.

Сайтымыздың телеграмдағы каналына ағза болың: https://t.me/karinformuz