БМШ Бас хаткери Антониу Гутерриш өзиниң Инстаграмдағы бетинде Арал машқаласы ҳаққында нелерди жазды?

БМШ Бас хаткери Антониу Гутерриш өзиниң Инстаграмдағы бетинде Арал машқаласы ҳаққында пост жазды, деп хабар берди Хушнудбек Худайбердиев.
Ол 2017-жылдағы Өзбекстанға сапары даўамында Арал теңизинде түскен фотосүўретин тармаққа жүклеген.
«Еки жыл алдын мен Арал теңизине бардым, ол жерде дәўиримиздиң ең үлкен экологиялық апатшылықларының бириниң гүўасы болдым. Арал теңизи бир ўақытлары дүньядағы төртинши ең үлкен көл еди, бир неше онлаған жыллар даўамында оның әсте-ақырын қурыўы аймақтағы ҳүкиметлер ҳәм кең жәмийетшилик ушын бир неше машқалаларды жүзеге келтирди. Мениң сапарым планетамызға бийпәрўа түрде қараўдың аянышлы ақыбетлерин еслетип турар еди, бирақ жәмийетшиликтиң дурыс бағдарланған қоллап-қуўатлаўы менен жағдайды қалай өзгертиў мүмкин екенлигиниң гүўасы болдым», - деп жазған Антониу Гутерриш.

Ислам Матеков.

Сайтымыздың телеграмдағы каналына ағза болың: https://t.me/karinformuz