![](\"http://img.uz/d/2019/05/5ce3e59e4036f.jpg\")
«Жайлаўлар ҳаққында»ғы Өзбекстан Республикасының Нызамы Президент тәрепинен тастыйықланды, деп жазады ӨзА.
Нызамға муўапық, жайлаўлар шарўа маллары ушын азықлық есапланған өсимликлердиң тәбийғый қатламына ийе болған жерлер болып табылады.
Таўдағы жайлаўлар мәўсимлик есапланып, олардан жылдың тек ғана белгили бир ўақтында пайдаланылады.
Жайлаўлардан пайдаланыўшылар жайлаўлардан биргеликте пайдаланыў ҳәм оларды қорғаў ушын жайлаўлардан пайдаланыўшылар бирлеспелерин шөлкемлестириў ҳуқықына ийе.
Жайлаўлар турақлы ийелик етиўге, ижараға ҳәм ўақытша пайдаланыўға ҳәкимлердиң қарары тийкарында берилиўи мүмкин.
Тоғай қоры жерлеринде жайлаўлардан мәмлекетлик тоғай хожалығы уйымларының рухсатнамасы бойынша пайдаланылады.
Жайлаўлардан пайдаланғаны ушын ҳақы жер салығы ямаса ижара ҳақы тәризинде өндириледи.
Ислам Матеков.
Сайтымыздың телеграмдағы каналына ағза болың: https://t.me/karinformuz
