Әскерий усыныснамаға ийе болған абитуриентлер ушын Қарақалпақстандағы жоқары оқыў орынларында неше орын ажыратылған?

Өзбекстан Республикасы Президентиниң 2019-2020-оқыў жылында Өзбекстан Республикасының жоқары билимлендириў мәкемелерине оқыўға қабыллаўдың мәмлекетлик буйыртпасы параметрлери ҳаққындағы қарары менен әскерий усыныснамаға ийе болған абитуриентлер ушын айырықша 5 процентлик квота көрсеткишлери тастыйықланды.

Хош, Қарақалпақстандағы жоқары оқыў орынларында неше орын ажыратылған?

Бакалавр (күндизги)
1) Қарақалпақ мәмлекетлик университети – улыўма 147, соннан 30 грант, 117 контракт;
2) Нөкис мәмлекетлик педагогикалық институты – улыўма 90, соннан 23 грант, 67 контракт;
3) Ташкент мәмлекетлик аграр университети Нөкис филиалы – улыўма 19, соннан 5 грант, 14 контракт;
4) Самарқанд ветеринариялық медицина институты Нөкис филиалы – улыўма 4, соннан 2 грант, 2 контракт;
5) Ташкент педиатриялық медицина институты Нөкис филиалы – улыўма 14, соннан 5 грант, 9 контракт;
6) Өзбекстан мәмлекетлик көркем өнер ҳәм мәденият институты Нөкис филиалы – улыўма 5, соннан 1 грант, 4 контракт.

Бакалавр (сыртқы)
1) Қарақалпақ мәмлекетлик университети – улыўма 28, соннан 28 контракт;
2) Нөкис мәмлекетлик педагогикалық институты – улыўма 20, соннан 20 контракт;
3) Ташкент мәмлекетлик аграр университети Нөкис филиалы – улыўма 8, соннан 8 контракт;
4) Өзбекстан мәмлекетлик денетәрбиясы ҳәм спорт университети Нөкис филиалы – улыўма 2, соннан 2 контракт;
5) Ташкент информациялық технологиялар университети Нөкис филиалы – улыўма 5, соннан 5 контракт.

Бакалавр (кешки)
1) Қарақалпақ мәмлекетлик университети – улыўма 6, соннан 6 контракт.

Ислам Матеков.

Сайтымыздың телеграмдағы каналына ағза болың: https://t.me/karinformuz