ТИТУ Нөкис филиалында спортшылар менен ушырасыў болып өтти

Жәҳән ҳәм Азия чемпионатлары ҳәм кубокларының жеңимпазлары, белгили спортшылар қатнасыўында жоқары оқыў орынларында студент жаслар менен ушырасыўлар, сәўбетлер, шеберлик сабақлары өткерилиўи режелестирилген. Усындай илажлардың бири усы жылдың 26-июнь күни Муҳаммед ал-Хорезмий атындағы Ташкент информациялық технологиялары университети Нөкис филиалында өткерилди. Онда спорттың шахмат түри бойынша бир неше мәрте Азия ҳәм Өзбекстан чемпионы Махум Оразмухаммедова ҳәм Қарақалпақстан Республикасы Дене тәрбия ҳәм спорт министрлиги қәнигелериниң қатнасыўында болып өтти.

Соның менен бирге усындай илажлардың бири 26-июнь күни Ташкент мәмлекетлик аграр университети Нөкис филиалында аўыр атлетика ҳәм паўерлифтинг спорт түри бойынша бир неше мәрте Өзбекстан чемпионы Исламбек Розибаев ҳәм Қарақалпақстан Республикасы Дене тәрбия ҳәм спорт министрлиги қәнигелериниң қатнасыўында өткерилди. Ушырасыўларда студентлер өзлерин қызықтырған сораўларына жуўапларын алды.