«Россияның жас арыўы» таңлаўында өзин сынап көрмекши болған москвалы 15 жаслы Дина Қожасаева сахнаға шомылыў кийими менен шығыўдан бас тартып таңлаўдан шетлетилди, деп жазады Sputnik Қазақстан.
«Москваның жас арыўы», «Россияның жас арыўы» гөззаллық таңлаўларында Диана ҳеш қандай иркинишсиз өткен. Оған дейинги таңлаўларда да ол ашық кийими менен шығыўдан бас тартқан.
«Режиссёр Константин Костин Динаның шомылыў кийими менен шығыўын талап еткен. Бул мәселе бойынша алдын келисилген еди. Соңғы минутларда ол айтылған кийимди киймесе, таңлаўдан шетлетилетуғынлығы айтты. Динаның миллий кийими ушын сыйлық берилди. Бирақ, оны сахнаның артында тапсырды», - дейди Динаның анасы.
«Мен өзимди халықтан айрықшаман деп есапламайман. Бирақ, сахнаға ярым жалаңаш шыға алмайман», - дейди Диана.
Сахибжамал Есемуратова
