Алдын хабар бергенимиздей, сырдәрьялы 69 жаслы Абдурасул ата Аралға велосипедте жолға шыққан ҳәм ол Наўайы ўәлаятына жетип қалған еди.
Күни кеше атаның өзинен алынған мағлыўматларға қарағанда, Абдурасул ата Бухара ўәлаятының шетки аймақларында жайласқан Газли қаласынан өтип, Хорезм ўәлаятына жетип барған. Бул ҳаққында ӨзА хабар берди.
Атаның айтыўынша, жол бойлап ҳәр қыйлы адамлар менен сәўбетлесип олардың бийминнет жәрдемлерин алған. Сол себепли жол машақатлары оншелли сезилмеген.
- Булардың барлығы маған жаңадан-жаңа күш-жигер бағышламақта. Бир ғана әрманым – Аралға аман-есен жетип барып, оның суўларына жүзимди жуўсам деймен, - дейди ата толқынланып.
Ислам Матеков.
Сайтымыздың телеграмдағы каналына ағза болың: https://t.me/karinformuz
