«Forbes» журналы дүзген усындай рейтингде Майкл Джексон биринши орынды ийелеп тур. Ол усы рейтингде 5 жылдан берли бириншиликти ийелеп келмекте. Оның соңғы 12 айдағы табысы 75 миллион долларды қурады. Гольф короли Арнольд Палмер 40 миллион доллар менен екинши, ал белгили сүўретши-карикатурист Чарльз Шульц 38 миллион доллар менен үшинши орында тур. Булардан кейинги орынларда Элвис Пресли (35 миллион доллар), Боб Марли (23 миллион доллар), Том Петти (20 миллион доллар) менен Принс (18 миллион доллар) сыяқлы белгили қосықшылар көрсетип өтилген. Өзлери қайтыс болса да, атлары елеге шекем пайда келтирип турған белгили инсанлар қатарында Доктор Сьюз (16 миллион доллар) лақабы менен белгили болған жазыўшы, мультипликатор Теодор Зойс Гайзель, The Beatles топарының солисти Джон Леннон (12 миллион доллар) менен илимпаз Альберт Эйнштейн (10 миллион доллар) де бар.
Ислам Матеков.
