Президент Шавкат Мирзиёев ғәрезсизлик байрамы мүнәсибети менен 65 жынаятшыны әпиў етиў ҳаққындағы Пәрманға қол қойды, деп хабар берди «Ўзбекистон 24» телеканалы.
Пәрманға муўапық, 17 шахстың жазасы толығы менен бийкарланды, 13 жынаятшы жазаны өтеўден шәртли түрде азат етилди. 20 жынаятшының жазасы жеңиллетилди, 14 шахстың азатлықтан шеклеў тәризиндеги жаза мүддети қысқартылып, 1 ўиниң азатлықтан шеклеў жазасы бийкар етилди.
Әпиў етилгенлердиң 39ы қадаған етилген шөлкемлердеги искерлиги ушын жуўапкершиликке тартылған еди. Олардың 4ўи ҳаял-қызлар.
Сахибжамал Есемуратова
