Өзбекстан Республикасы Президенти Ш.Мирзиёевтың 2019-жыл 28-август күнги Пәрманына муўапық, елимиздиң экономикалық потенциалын беккемлеў, оның жәҳән көлеминдеги абырайын арттырыў, Ўатанымыз абаданлығы, турмысымыздың пәраўанлығын тәмийинлеў бағдарындағы үлкен хызметлери, соңғы жылларда елимизде жеделлик пенен алып барылып атырған түпкиликли реформалар процесиндеги белсендилиги ҳәм пидайылығы, мәмлекет ҳәм халық мәплерин әмелге асырыў жолындағы пидайы мийнети, ислеп шығарыў ҳәм социаллық-руўҳый тараўлардағы көп жыллық нәтийжели ҳәм үлгили искерлиги, жас әўладты ўатансүйиўшилик, миллий ҳәм улыўмаинсаный қәдириятларға ҳүрмет руўҳында тәрбиялаўға қосқан үлкен үлеси ҳәмде социаллық турмыстағы белсенди қатнасы ушын Қарақалпақстан Республикасы Жоқары Кеңесиниң Баслығы Ерниязов Муса Тәжетдинович «Өзбекстан Қаҳарманы» атағы менен сыйлықланды.
Буннан тысқары, Ферғана ўәлаяты Алтыарық районы «Нурлы абат» фермер хожалығы баслығы Муратова Лола Неъматовна, «Нураный» қорының Самарқанд ўәлаяты бөлими баслығы Нормурадов Хасан Норбековичлар да усы атақ пенен сыйлықланды.
Сахибжамал Есемуратова
