Жынаят ислери бойынша Қоңырат районы судының 2019-жыл 5-сентябрь күнги уйғарыўы бойынша мәнзил-колонияда жаза мүддетин өтеп атырған 23 жынаятшы жаза мүддети жеңили менен алмастырылды. Олардың жаза мүддетин өтеў дәўиринде орнатылған ишки тәртип-қағыйдаларды бузбағанлығы, колония администрациясы тәрепинен унамлы минезлеме берилгенлиги ҳәм олардың дүзелиў жолына өткенлиги ҳаққындағы мағлыўматнамаларын, әмелге асырған жынаятларынан шын кеўилден пушайман екенлигин, сондай-ақ, Өзбекстан Республикасы Жынаят кодексиниң 73- ҳәм 74-статьяларында белгиленген мүддетлерин өтеп болғанларын есапқа алып, еркинен айырыў жазалары жеңили менен алмастырылды ҳәм жазасын өтеўден мүддетинен бурын шәртли азат етилди, деп хабар берди Жынаят ислери бойынша Қоңырат районы судының баслығы Д.Разов.
Сондай-ақ, суд тәрепинен жынаятшылардың шаңарағына қуўысқанынан соң жумысқа орналасыўлары ҳәм пайдалы ислер менен шуғулланыўлары, жынаят жолына қайта қәдем баспаўы бойынша түсиник жумыслары алып барылды.
Сахибжамал Есемуратова
