2019-жыл 3-октябрь күни Самарқанд ветеринария медицинасы институтының Ташкент филиалын шөлкемлестириў ҳаққында Ҳүкимет қарары қабыл етилди.
Оған муўапық, Самарқанд ветеринария медицинасы институтының Ташкент филиалы институттың юридикалық шахс дәрежесине ийе болған қурамлық бөлими есапланады. Бул ҳаққында Huquqiy axborot telegram каналы хабар берди.
Филиалда төмендеги бакалавр жөнелислери бойынша кадрлар таярланады:
- Зооинженерия;
- Ветеринария медицинасы;
- Ветеринария-санитария экспертизасы;
- Ветеринария диагностикасы ҳәм лаборатория жумыслары.
Филиалда оқыў процеси 2020-2021-оқыў жылынан басланады ҳәм қабыл етилетуғын студентлердиң саны республика ЖООларына қабыл етиў параметрлеринен келип шыққан ҳалда белгиленеди.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
