Норматив-ҳуқуқый ҳүжжетлер жойбарларын додалаўшы порталда «Телеузатыўлар ҳаққында»ғы Өзбекстан Республика Нызамының жойбары жәрияланды.
Оған муўапық, узатыўшы шөлкемлерди сырт елли пуқаралар ямаса пуқаралығы болмаған шахслар, искерлиги қадаған етилген мәмлекетлик емес коммерциялық емес шөлкемлер, сиясий партиялар, кәсиплик бирлеспелери ҳәм диний шөлкемлер тәрепинен шөлкемлестирилиўине жол қойылмайды.
Нызамның 25-статьясына муўапық, Өзбекстанда электрон ғалаба хабар қураллары цензурасына жол қойылмайды. Ҳешким узатыўшы тәрепинен тарқатылып атырған хабарлар ямаса материаллардың мазмунын алдыннан тастыйықлатыў, текстин өзгертиў ямаса эфирден толық алып таслаўды талап ете алмайды. Басым өткериў ямаса искерлигине араласыў жағдайлары анықланса, айыплы тәреп телерадиоузатыўшыға жеткерген руўхый ҳәм материаллар зыянды сондай-ақ, араласыў ақыбетлеринен келип шығыўы мүмкин болған зыянды қаплаўы шәрт.
Компенсация муғдары базалық есаплаў муғдарының 100 есесинен кем болыўы мүмкин емес.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
