Усы жылдың 13-октябрь күни Бухара ўәлаяты Өзбекстан Республикасы Халық билимлендириў министрлиги, Бухара мәмлекетлик университети ҳәм Италияның Пиза университети менен биргеликте ашық математика олимпиадасы өткериледи, деп жазады Халық билимлендириў министрлиги баспасөз хызмети.
Олимпиадада улыўма билим бериў мектеплериниң 7-11-класс, академиялық лицейлердиң 1-2-басқыш, кәсип-өнер колледжлериниң 3-басқыш оқыўшылары қатнасыўы мүмкин. Онда 5 мәселе бериледи ҳәм ҳәр бир мәселе 7 баллық системада баҳаланады. Қатнасыўшыларға мәселелерди шешиў ушын 4 саат бериледи.
Қатнасыўшылар арасынан «Өзине сәйкес шешим», «Ең жақсы идея» сыяқлы номинациялар бойынша жеңимпазларды анықлаў режелестирилген. Олимпиадада қатнасыўды қәлеўшилер төмендеги телефон номерлери арқалы дизимнен өтиўи мүмкин: +998974559676.
Дизимге алыў 2019-жылдың 12-октябрь саат 19:00 ге шекем даўам етеди.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
