11-октябрь күни Қоңырат районында «Қырық қыз» посёлкасы пуқаралар жыйыны аймағында Қарақалпақстан Республикасы И.В. Савицкий атындағы мәмлекетлик көркем-өнер мүзейи тәрепинен шөлкемлестирилген «Саҳра толқынлары» атамасындағы көшпели көргизбеси болып өтти.
Бул көшпели көгизбени шөлкемлестириўден мақсет, пайтахттан тысқарыдағы жергиликли халықтың мәдений мүмкиншилигин және де арттырыў, соның менен биргеликте қарақалпақ сүўретлеў өнериниң пидайы художниклериниң дөретиўшилигин кең жәмийетшилик нәзерине усыныўдан ибарат. Көргизбе жуўмағында Қарақалпақстан көркем-өнер ғайраткерлери Г.Айымбетова, Ж.Бекбергегова, С.Қосекеев, Р.Раджаповлар өз қосықларын аймақ турғынларына инам етти. Илаж «Айқулаш» Қарақалпақ мәмлекетлик миллий фольклор ансамбли дөретиўшилик жәмәәтиниң «Әмиў ырғақлары» атлы концерт бағдарламасы менен даўам етти.
