2019-жыл 1-октябрь жағдайына муўапық, республика бойынша пенсия ҳәм напақа алыўшылардың саны 3 631,4 мыңды ямаса халықтың 10,9%ин қурайды. Бул көрсеткиш Қарақалпақстан Республикасында 10,5%ти қурайды, деп хабар берди Пенсия фонды баспасөз хызмети.
«Пуқаралардың мәмлекетлик пенсия тәмийнаты ҳаққында»ғы Нызамға сондай-ақ, Министрлер Кабинетиниң 2011-жыл 7-апрельдеги қарарына тийкарланып, Өзбекстан Республикасы Финанс министрлиги жанындағы бюджеттен тысқары Пенсия фондының аймақлық бөлимлери тәрепинен мийнет стажына ийе болған пуқараларға жасқа байланыслы, майыплығы белгиленген шахсларға ҳәм бағыўшысын жоғалтқан шанарақларға пенсиялар ҳәм напақалар тайынланады.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
