Фондтың жаңа тәлим грантлары төмендеги қәнигеликлер бойынша Европаның жоқары оқыў орынларында магистратура басқышында оқыў имканиятын береди:
- Қайта тиклениўши энергия дәреклери;
- Химия ҳәм химия технологиясы;
- Суў ҳәм жер ресурсларын басқарыў;
- Машинасазлық технологиялары;
- Архитектура. Имарат ҳәм иншаатлар қурыў;
- Автомобиль жоллары, көпирлер, тоннеллер, жол өткизгишлер ҳәм аэродромларды проектлестириў ҳәм қурыў;
- Текстиль санааты технологиялары ҳәм үскенелери;
- Туризм хызметлерин шөлкемлестириў ҳәм басқарыў;
- Информациялық хызметлер ҳәм жәмийетшилик пенен байланыслар.
Таңлаўда инглис, немис ямаса француз тиллерин жақсы билетуғын Өзбекстан ямаса шет ел жоқары оқыў орнын питкерген ямаса соңғы курста оқып атырған, жасы 35тен аспаған Өзбекстан пуқаралары қатнасыўы мүмкин.
Грант жеңимпазлары шет елде билим алыў ҳәм жасаў қәрежетлери Фонд тәрепинен қаржыландырылады.
Таңлаўда қатнасыў ушын ҳүжжетлер онлайн түрде қабыл етиледи:
https://goo.gl/forms/vNSA6KLY2JDOA86h1
Ҳүжжет тапсырыў мүддети: 2019-жыл 15-октябрьден 10-ноябрьге шекем.
Толық: http://cc.uz/163rg
Аўдармалаған: Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
