2019-жыл 24-октябрь күнги Президенттиң 5856-санлы Пәрманына айырым өзгерис ҳәм қосымшалар киргизилди, деп жазады Қарақалпақстан Республикасы Әдиллик министрлигиниң telegram каналы.
Киргизилген өзгерислерге муўапық, сырт еллерден сырт ел валютадағы түсимниң келип түсиўи мүддетлерин кешиктириўге жол қойған экспортёрлар, сондай-ақ, товарлардың республикаға алып кирилиўин ҳәм олардың «еркин айланысқа шығарыў» режиминде рәсмийлестирилиўин, жумыслар ҳәм хызметлер көрсетиўин белгиленген мүддетлерде тәмийинленбеген импортёрлер тәрепинен жәриймалар төлеўде айырым жеңилликлер белгиленди.
- Атап айтқанда, валюта қаржыларының келип түсиўи ямаса республикаға товарларды алып кириў ҳәмде «еркин айланысқа шығарыў» режиминде рәсмийлестириў, жумысларды орынлаў ҳәм хызметлер көрсетиў:
- егер жәрийманы қоллаў мәселесин көрип шығыў ўақтына келип тәмийинленген болса – жәрийма қолланылмайды;
- егер судтың жәрийманы қоллаў ҳаққындағы қарарды орынлаў ўақтына келип тәмийинленген болса, қолланылған жәрийма төленбейди;
- егер жәрийма қолланылғаннан кейин 90 күнлик мүддет ишинде тәмийинленген болса, төленген жәрийма Мәмлекет бюджетинен қайтарылып берилиўи лазым.
Қарардың толық варианты менен төмендеги силтеме арқалы танысыўыңызға болады:
http://lex.uz/docs/196027#202564
Сайтымыздың телеграмдағы каналына ағза болың: https://t.me/karinformuz
