Ижтимоий тармоқларда машҳур кинематограф Стивен Спилбергнинг «Сир тутилган ҳужжатлар» номли янги картинасининг трейлери пайдо бўлди. Картина «Пентагон ҳужжатлари» деган ном билан машҳур бўлган тарихий воқеага асосланади. Фильмда бош ролларни машҳур актриса Мэрил Стрип ва акктёр Том Хэнкс ижроо этган.
Картина сюжети АҚШ Мудофаа вазирлигининг Вьетнам урушидаги АҚШнинг роли тадқиқ қилинган бирнеча йиллик ишларнинг журналистлар қўлига тушушини сўз этади. 1971 йил «The New York Times» ва «The Washington Post» нашрлари ҳужжатнинг парчаларини оммага эълон қилган эди. Мақола «Америка–Вьетнам муносабатлари, 1945-1967: Тадқиқотлар» деган номда чоп этилган. Натижада ҳукумат ва журналистлар ўртасида катта қаршилик юзага келди.
Картинада Том Хэнкс «The Washington Post» газетаси муҳаррири Бен Брэдли, Мэрил Стрип эса йирик оммавий ахборот воситасини бошқарган тарихдаги биринчи аёл – Кей Грэм исмли муҳаррир ролини ижро этган.
Фильм шу йилнинг 22 декабрь куни сотувга чиқарилади. Қуйида сиз фильм трейлерини томоша қилишингиз мумкин.
Ислам Матеков.
