Кеча, 17 ноябр куни университетимизда журналистика таълим соҳаси 4 курс талабаларининг 2 ой давомида ўтаган амалиётининг натижалари бўйича семинар-тренинг бўлиб ўтди. Семинар-тренингни қорақалпоқ филологияси факультети декани ф.ф.н. Қ.Турдибаев очиб берди ва олиб борди. Бундан сўнг журналистика кафедраси мудири ф.ф.н. З.Оразимбетова амалиёт давомида талабаларнинг оммавий ахборот воситаларида ёритган материаллари бўйича ва юзага келган муаммолар ҳақида тақдимот қилди.
«Мазкур ўқув йилида 23 талаба амалиётда бўлган бўлса, улардан еттитаси «5» баҳосини олишга муваффақ бўлди. Амалиёт давомида талабаларимизнинг «Эркин Қорақалпоғистон» газетасида 14 мақола, «Қорақалпоғистон ёшлари» газетасида 18 мақола, «Устоз йўли» газетасида 7 мақола, «Истиқлол ва қонун» газетасида 6 мақола, «Вести Каракалпакстана» газетасида 11 мақола, «Қорақалпоғистон университети газетасида 6 (сайтда 4) мақолани нашрдан чиқарди. Шунингдек, «Қорақалпоғистон» телевидениесида жами 18 кўрсатувга саҳифалар тайёрлаб, эфирга узатди. «Нукус ФМ» радиоканалида мунтазам равишда материаллари эфирга узатилиб турди», - дея таъкидлаб ўтди кафедра мудири З.Оразимбетова ўз тақдимотида.
кафедра мудири З.Оразимбетова
Семинар-тренингда «Эркин Қорақалпоғистон» газетасида амалиёт ўтаган У.Қошқарова, «Қорақалпоғистон» телевидениесида амалиётда бўлган М.Ибрагимова ва «Қорақалпоғистон» радиосида амалиётда бўлган З.Хожамуратовалар ўтаган амалиётлари, ёритган материаллари ва юзага келган муаммолари бўйича тақдимот қилишди.
Амалиётчи У.Қошқарова
Семинар-тренингда оммавий ахборот воситалари журналистлари ҳам қатнашди. «Қорақалпоғистон спорти» газетаси бош муҳаррири А.Абдиев, «Тинчлик посбони» газетаси бош муҳаррири Ж.Утениязов, «Нукус ФМ» радиоси директори Б.Ельманов, «Қорақалпоғистон ёшлари» газетаси журналисти А.Турекеева, журналистика кафедраси ўқитувчиси Д.Бекбаўлиевлар сўзга чиқиб, амалиётчиларга ўзларининг фикр ва таклифларини билдиришди.
«Нукус ФМ» радиоси директори Б.Ельманов
«Қорақалпоғистон ёшлари» газетаси журналисти А.Турекеева
Сахибжамал Есемуратова
