«Юксалиш» улыўма милий ҳəрекетиниң 2020-жыл 20-майдағы арнаўлы буйрығы менен Қарақалпақстан Республикасы Жоқарғы Кеңесиниң депутаты Романов Тажибай Ниетуллаевич – «Юксалиш» улыўма милий ҳəрекети Қарақалпақстан Республикасы аймақлық бөлиминиң баслығы – Министрлер Кеңеси Баслығының кеңесгөйи лаўазымына тайынланды. Қарақалпақстан Республикасы Министрлер Кеңесиниң мəлимлеме хызмети хабар берди.
Романов Тажибай Ниетуллаевич – усы күнге шекем Пуқаралардың өзин-өзи басқарыў уйымлары жумысын муўапықластырыў бойынша Республикалық Кеңеси баслығының биринши орынбасары лаўазымында жумыс алып барды.
Сондай-ақ, ол 2015-жылдан баслап Ɵзбекстан «Миллий тикланиш» демократиялық партиясы Қарақалпақстан Республикасы Кеңесин басқарып келмекте.
Мағлыўмат орнында атап өтетуғын болсақ, алдын бул лаўазымда Қурбанов Бахтыяр Ибрагимович ислеп келген еди. Б.Қурбанов ҳəзирги ўақытта Қоңырат районы ҳəкиминиң биринши орынбасары лаўазымында жумыс алып бармақта.
Сайтымыздың телеграмдағы каналына ағза болың: https://t.me/karinformuz
