Президент қарарына муўапық, Жоқары ҳәм орта арнаўлы билимлендириў министрлиги тәрепинен мәпдар министрлик ҳәм уйымлар менен биргеликте 2020-жыл 1-декабрьге шекем:
- жоқары оқыў орынларына оқыўға қабыл етиўдиң мәмлекетлик буйыртпасы параметрлеринде тек ғана мәмлекетлик грант тийкарындағы қабыллаў көрсеткишлерин белгилеў;
- төлемли контракт тийкарындағы қабыллаў көрсеткишлерин жоқары оқыў орынлары тәрепинен еркин түрде белгилеў. Бунда, төлемли контракт тийкарындағы қабыллаў көрсеткишлери Өзбекстан Республикасы Жоқары ҳәм орта арнаўлы билимлендириў министрлиги тәрепинен белгиленген муғдардан кем болмаўы керек;
- қәбилетли студентлерди мәмлекетлик емес жоқары оқыў орынларында да мәмлекетлик грант тийкарында оқытыў;
- айрықша қәбилет талап етилетуғын билимлендириў тараўларының бакалавриат билимлендириў бағдарларына оқыўға қабыллаў ушын кәсиплик (дөретиўшилик) имтиханлар менен биргеликте мәжбүрий үш пән – ана тили (өзбек, рус ямаса қарақалпақ тили), математика ҳәм Өзбекстан тарийхы пәнлери бойынша тест сынақларын тапсырыў тәртибин енгизиў бойынша Ҳүкиметке тийкарланған усынысларды береди.
Ислам Матеков.
Сайтымыздың телеграмдағы каналына ағза болың: https://t.me/karinformuz
