ӨзР Министрлер Кабинетиниң «2020-жыл пахта зүрәәтин жыйнап-терип алыў жумысларын шөлкемлескенлик пенен өткериў илажлары ҳаққында»ғы қарары қабыл етилди.
Қарарға муўапық, Қарақалпақстан Республикасының төменде көрсетилгн районларында қолда терилген ҳәр бир килограмм пахта шийки заты ушын усыныс етилген тариф ставкасына мәмлекетлик бюджеттиң қосымша қаржылары есабынан 200 сумнан үстеме ҳақы төленеди:
1) Қанлыкөл районы;
2) Қараөзек районы;
3) Кегейли районы;
4) Қоңырат районы;
5) Тахтакөпир районы;
6) Хожели районы;
7) Шоманай районы;
8) Шымбай районы;
9) Нөкис районы.
Сондай-ақ, қарар тийкарында Қарақалпақстан Республикасы Министрлер Кеңеси, ўәлаятлар ҳәм районлардың ҳәкимликлери билимлендириў, денсаўлықты сақлаў шөлкемлери ҳәм басқа бюджет шөлкемлериниң хызметкерлерин және билимлендириў мәкемелериниң оқыўшылары ҳәм студентлерин пахта шийки заты жыйым-теримине шығарыў жағдайларының алдын алыў ҳәм буған шек қойыў бойынша жуўапкер екенлиги белгилеп қойылды.
Еслетип өтемиз, быйылғы терим мәўсиминде қолда терилген ҳәр бир килограмм пахта шийки заты ушын биринши теримде 1000 сумнан, екинши теримде 1400 сумнан кем болмаған муғдарда мийнет ҳақы төленеди.
Ислам Матеков.
Сайтымыздың телеграмдағы каналына ағза болың: https://t.me/karinformuz
