9-апрель күни саат 22:08 де Қарақалпақстан Республикасы, Төрткүл районы «Аққамыс» АПЖ аймағынан өткен А-380 магистрал жолының 559-560 километринде ҳәрекетленген «ISUZU» маркалы жүк автомобили «DAF» маркалы жүк автомобили артына келип урылыўы нәтийжесинде жол-транспорт ҳәдийсеси жүз берди, деп хабар берди Айрықша жағдайлар басқармасы. Ақыбетте, «ISUZU» маркалы жүк автомобили айдаўшысы алған дене жарақаты ақыбетинде кабина ишинде қалып кеткен ҳәм АЖБға хабар жиберген.
Хабарға бола, АЖБ қутқарыўшылары тезлик пенен ўақыя орнына жетип барып, арнаўлы әсбап-үскенелер жәрдеминде айдаўшы қутқарылған ҳәм қәнигели медициналық жәрдем көрсетиў ушын емлеўханаға жиберилген.
Ҳәдийсе ақыбетинде қайтыс болғанлар жоқ.
