Нью-Йорклы кинорежиссёр Джордж Ицхактың Қарақалпақстан Республикасы Мойнақ қаласында сүўретке алынған «Waiting for the sea» («Теңизди күтип») қысқа метражлы фильми «Moscow Shorts International Film Festival» ҳәм «Long Story Shorts International Film Festival» фестивальларында «Ең жақсы ҳүжжетли фильм» және «Ең жақсы операторлық жумыс» номинацияларында жеңимпаз болды.
Фильмде электрон ҳәм халық музыкасы Арал теңизиниң аянышлы тәғдири менен байланыстырылған.
Джордж Ицхак 2018-жылы биринши мәрте өткерилген «Стихия» электрон музыкалар фестивалы ҳаққында еситип, 2019-жылдағы екинши мәўсимине қатнасыў ушын Мойнаққа келген.
«Waiting for the sea» («Теңизди күтип») қысқа метражлы фильми дүньяның бирнеше кинофестивальларында, атап айтқанда, «Long Story Shorts International Film Festival», «Moscow shorts International Short Film Festival», «Prague International Film Festival», «Lebanese Independent Film Festival», «Ojai Film Festival», «In The Palace International Short Film Festival», «Lonely Wolf London International Film Festival», «Tokyo Lift-Off Film Festival» сыяқлы фестивальларда номинацияларға қатнасып, «Ең жақсы ҳүжжетли фильм» және «Ең жақсы операторлық жумыс» номинациялары бойынша жеңимпаз болған.
«Waiting for the sea» («Теңизди күтип») ҳүжжетли фильмин төмендеги силтеме арқалы тамашалаўыңыз мүмкин.
https://bit.ly/2HpIiFv
Ислам Матеков.
Сайтымыздың телеграмдағы каналына ағза болың: https://t.me/karinformuz
