Америка Қурама Штатларының «Mathematical Association of America» ҳәм Өзбекстан Республикасындағы «ELPC» шөлкеми менен биргеликте 2020-жылдың февраль айында «AMC-10» және «AMC-12» халықаралық математика олимпиадасы өткерилген еди. Бул ҳаққында ҚР ХБМ баспасөз хызмети хабар берди.
Пүткил дүньядағы пандемия жағдайы себепли олимпиада жеңимпазларын сыйлықлаў кешиктирилген еди.
Усы халықаралық олимпиадада Нөкис қаласындағы Президент мектеби оқыўшылары 2 алтын, 3 гүмис ҳәм 2 бронза медалын жеңип алған еди.
Нөкис қаласындағы Президент мектебиниң ашылғанына 1 жыл толыўы мүнәсибети менен шөлкемлестирилген илажда «ELPC» шөлкеми директоры Б.Овлаев тәрепинен жеңимпаз ҳәм сыйлы орын ийелерине сертификатлар тапсырылды.
Ислам Матеков.
Сайтымыздың телеграмдағы каналына ағза болың: https://t.me/karinformuz
