Утамбетов Дуйсенбай Уснатдинович Жоқарғы Кеңестиң аграр, суў хожалығы ҳәм тәбиятты қорғаў мәселелери комитети баслығы етип сайланды. Бул ҳаққында ҚР Жоқарғы Кеңеси баспасөз хызмети хабар берди.
Қарақалпақстан Республикасы Жоқарғы Кеңесиниң он жетинши сессиясында «Жоқарғы Кеңестиң айырым комитетлериниң қурамына өзгерислер киргизиў ҳаққында»ғы мәселе көрип шығылды.
Оған муўапық, Жоқарғы Кеңестиң аграр, суў хожалығы ҳәм тәбиятты қорғаў мәселелери комитети баслығы лаўазымына 52-санлы «Қрантаў» сайлаў округинен Жоқарғы Кеңес депутаты Утамбетов Дуйсенбай Уснатдиновичтиң кандидатурасы усынылды.
Бул мәселе бойынша депутатлар тәрепинен қарар қабыл етилди.
Сайтымыздың телеграмдағы каналына ағза болың: https://t.me/karinformuz
