Буннан былай Өзбекстан пуқаралары Россияға турақлы авиарейслер шөлкемлестирилген ҳар қандай мәмлекет арқалы ушып бара алады. Буның ушын ҳеш қандай тийкар талап етилмейди.
Россия ҳүкиметиниң 635-р санлы буйрығының биринши қосымшасына киргизилген өзгерислерге муўапық, буннан былай Өзбекстан пуқаралары усы қосымшада келтирилген ҳәр қандай мәмлекеттен тийкарсыз ушып бара алады. Дизимде Түркия, Қырғызстан, Қазақстан сыяқлы мәмлекетлер бар. Ол жерлерден Россияға билетлер арзан. Сол себепли енди усы мәмлекетлерден Россияға арзан, нызамлы ҳәм тийкарсыз ушып барыў мүмкин. Яғный, тек ғана Өзбекстаннан ушып барыў шәрт емес.
Буннан алдын Өзбекстан пуқаралары Россияға Қырғызстан, Түркия сыяқлы үшинши мәмлекетлерден барыўы ушын сол мәмлекетлерде жасаў ушын рухсатнамасы болыўы талап етилетуғын еди. Буннан былай бул талап алып тасланды.
Еслетип өтемиз, Россияға барыўдан алдын коронавирусқа ПШР(ПЗР)-тест тапсырыўы шәрт.
Ислам Матеков.
Сайтымыздың телеграмдағы каналына ағза болың: https://t.me/karinformuz
