Telegram karinform

Жәмийет

  • 28.04.2021 12:40
  • 1393

Днепр дәрьясын кешип өтиўде ерлик көрсеткен пулемётшы Инаят Наўрызбаевтың қайталанбас ерлиги туўралы

9-май – Еслеў ҳәм қәдирлеў күни
Днепр дәрьясын кешип өтиўде ерлик көрсеткен пулемётшы Инаят Наўрызбаевтың қайталанбас ерлиги туўралы

1918-жылдың 18-сентябринде Төрткүл районында туўылған Инаят Наўрызбаев 1941-жылы урысқа бириншилер қатарында шақырылып, Ўатанымызды фашист басқыншыларынан қорғаў мақсетинде саўаш майданына қарай атланады.

Воронеж фронтының 52-армиясы, 254-атқышлар дивизиясының 933-полкында пулемётшы болып хызмет еткен ол өзиниң ер жүреклиги ҳәм батырлығы менен өз жолдасларына ҳәр тәреплеме үлги болды.

Атап айтқанда, ол 1943-жыл 2-октябрь күни Украинаның Днепр дәрьясын бириншилер қатарында кешип өтип, душпанларға қарсы аяўсыз саўаш алып барды ҳәм өз дивизиясының алға қарай илгерилеўине имканият жаратты.

Әсиресе, 1943-жылдың 17-октябрь күни түнде Крещатик аўылы ушын жүргизилген саўашта душпанның қурал-жарақ сақланатуғын қоймаханасын жоқ етип, аўылға бастырып кирип, оны фашистлерден толық тазалаўға ериседи.

Инаят Наўрызбаевтың Днепр дәрьясын кешип өтиўдеги ерлиги Армия командирлери тәрепинен ылайықлы баҳаланып, СССР Жоқарғы Кеңеси Президиумының 1944-жыл 22-февральдағы Пәрманы менен оған «Алтын жулдыз» медалы ҳәм Советлер Аўқамының Қаҳарманы атағы бериледи.
Днепр дәрьясын кешип өтиўде ерлик көрсеткен пулемётшы Инаят Наўрызбаевтың қайталанбас ерлиги туўралы

1945-жылы офицерлер билимин жетилистириў курсын табыслы тамамлаған Инаят Наўрызбаев өз аўылына қайтып келип, Елликқала районы аймағында жасап, 1999-жылдың 29-апрели күни қайтыс болады.

Баспасөз материаллары тийкарында таярлаған: Адилбай Оразов,
Қарақалпақстан хабар агентлиги


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Қарақалпақ тили «Түсиндирме сөзлиги»ниң мобиль қосымшасы жаратылды

Қарақалпақ тили «Түсиндирме сөзлиги»ниң мобиль қосымшасы жаратылды

Уқсас жаңалықлар

Қарақалпақстанлы волейболшы қызлар Өзбекстан суперкубоги жеңимпазы ҳәм абсолют чемпионы болды

Қарақалпақстанлы волейболшы қызлар Өзбекстан суперкубоги жеңимпазы ҳәм абсолют чемпионы болды

    Усы жылдың 8-10-декабрь күнлери аралығында Ташкент қаласында волейбол бойынша ҳаял-қызлар арасында V Өзбекстан суперкубоги жарысы

#KarinformWiki: Баҳадыр Разымбетов

#KarinformWiki: Баҳадыр Разымбетов

    Интернет энциклопедиясы есапланған википедияда қарақалпақ тилиндеги сапалы контентти жаратыў мақсетинде #KarinformWiki жойбары тийкарында жәмийетимизде түрли

#KarinformWiki: Алтынгүл Өтениязова

#KarinformWiki: Алтынгүл Өтениязова

    Сайтымыз редакциясы жанынан 1-ноябрь күни басланған #KarinformWiki жойбары шеңберинде жәмийетимиздиң раўажланыўына үлес қосып киятырған инсанлардың