Наўайы кән-металлургия комбинаты мәмлекетлик кәрханасы бас директорының 2021-жыл 4-майдағы буйрығы менен Каипбергенов Атабек Тулепбергенович Наўайы мәмлекетлик кәншилик институты Нөкис филиалы директоры лаўазымына тайынланды. Бул ҳаққында филиал баспасөз хызмети хабар берди.
Мағлыўмат ушын, Атабек Каипбергенов 1980-жыл Қарақалпақстан Республикасы Нөкис қаласында туўылған. 2003-жылы Ташкент химия-технология институтын питкерген.
Техника илимлериниң докторы, доцент.
Усы күнге шекем Нөкис мәмлекетлик педагогикалық институты Химияны оқытыў методикасы кафедрасы баслығы лаўазымында ислеген.
Сондай-ақ, Джаксымуратов Караматдин Мустапаевич Наўайы мәмлекетлик кәншилик институты Нөкис филиалы директорының Илимий ислер ҳәм инновациялар бойынша орынбасары лаўазымына тайынланды.
Мағлыўмат ушын, Караматдин Джаксымуратов 1968-жыл Қарақалпақстан Республикасы Нөкис қаласында туўылған. 1992-жылы Қазақстан мәмлекетлик политехника институтын питкерген.
Геология-минерология илимлериниң кандидаты.
Усы күнге шекем Наўайы мәмлекетлик кәншилик институты Нөкис филиалы Тәбийғый ҳәм улыўма кәсиплик пәнлер кафедрасы баслығы лаўазымында ислеген.
Karinform.uz
Сайтымыздың телеграмдағы каналына ағза болың: https://t.me/karinformuz
