1-Қарақалпақстан округлик сайлаў комиссиясына халықаралық бақлаўшылар келиўи даўам етпекте. Франция мәмлекетинен келген халықаралық бақлаўшылар Эммануэль Дюпью, Гай Оливер Фаур ҳәм Жан-Антон Дупрат мырзалар, сондай-ақ, Америка Қурама Штатларынан келген қысқа мүддети халықаралық бақлаўшы Мелиса Эспости ханым 1-Қарақалпақстан округлик сайлаў комиссиясының баслығы У.Жалменов пенен ушырасып, Қарақалпақстанда сайлаў процесиниң барысы менен байланыслы мағлыўматларға ийе болды.
Халықаралық бақлаўшыларға Қарақалпақстанда улыўма 1 миллион 45 мың 352 сайлаўшы дизимге алынғанлығы, соннан 42 мың 587 сайлаўшы биринши мәрте даўыс беретуғынлығы, өткерилип атырған Президентлик сайлаўының әҳмийети ҳәм өзгешеликлери ҳаққында толық мағлыўматлар берилди.
- Мен жетинши мәрте Өзбекстандағы сайлаў процесслеринде халықаралық бақлаўшы сыпатында қатнасып атырман. Буннан алдынғы сайлаўлар да жоқары шөлкемлескенлик пенен өткен еди. Быйылғы Президентлик сайлаўы да Өзбекстанда биринши мәрте Сайлаў кодекси тийкарында, сондай-ақ, пандемия шараятында өтип атырғанлығы менен әҳмийетли. Президентлик сайлаўына жоқары дәрежеде таярлықлар көрилгенлигин атап өтиўимиз керек, - дейди Франция мәмлекетинен келген халықаралық бақлаўшы Жан-Антон Дупрат мырза.
Халықаралық бақлаўшылар ҳәм ҒХҚ ўәкиллериниң Қарақалпақстан Республикасына келиўи даўам етпекте.
1-Қарақалпақстан округлик сайлаў комиссиясының Баспасөз орайы.
Karinform.uz.
Сайтымыздың телеграмдағы каналына ағза болың: https://t.me/karinformuz
