Telegram karinform

Спорт

  • 05.11.2021 18:06
  • 834

НМПИ қызлар регби командасы «Студентлер лигасы» спорт жарысында 1-орынды ийеледи

НМПИ қызлар регби командасы «Студентлер лигасы» спорт жарысында 1-орынды ийеледи
Усы жылдың 3-8-ноябрь күнлери аралығында Ташкент қаласында Өзбекстан Миллий университети стадионында Өзбекстан Республикасы студентлер спорт ассоциациясы тәрепинен спорттың регби-7 түри бойынша жоқары оқыў орынлары студентлери арасында «Студентлер лигасы» жарысы өткерилип атырған болып, бүгинги күнге шекем қызлар сайланды командалары арасындағы жарыслар өз жуўмағына жетти.

Қуўанышлысы, жарыста Әжинияз атындағы Нөкис мәмлекетлик педагогикалық институтының қызлар сайланды командасы барлық қарсылас командаларды жеңип шығып, 1-орынды қолға киргизди ҳәм «Студентлер лигасы» спорт жарысының жеңимпазы болды.
НМПИ қызлар регби командасы «Студентлер лигасы» спорт жарысында 1-орынды ийеледи
Финалға шекемги жарысларда Әндижан мәмлекетлик университети, Өзбекстан мәмлекетлик дене тәрбия ҳәм спорт университети, Ферғана мәмлекетлик университети ҳәм Қарақалпақ мәмлекетлик университети командаларын жеңип шыққан НМПИ қызлар сайланды командасы финалда екинши мәрте Өзбекстан мәмлекетлик дене тәрбия ҳәм спорт университети командасы үстинен 24:12 есабында жеңиске еристи.

Еркеклер арасында жарыслар ертеңнен басланыўы белгиленген болып, онда институттың еркеклер сайланды командасы да қатнасады.

Жарысқа студентлерди тәжирийбели тренер-оқытыўшы Полат Мамутов таярлады.

Студентлеримизге жарыста әўмет тилеймиз!

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz
Social

Усыныс етемиз

Президент пәрманы менен 488 шахс әпиў етилди

Президент пәрманы менен 488 шахс әпиў етилди

Уқсас жаңалықлар

Өзлестириў көрсеткиши жоқары болған социаллық белсенди студентлерге тәлим гранты бериледи

Өзлестириў көрсеткиши жоқары болған социаллық белсенди студентлерге тәлим гранты бериледи

    ️Енди жоқары курслардағы өзлестириўи жақсы ҳәм социаллық белсенди студентлер толық ямаса белгили бир бөлеги муғдарында

Контракт толық төленбесе, студентти жуўмақлаўшы ямаса аралық имтиханларға киргизбеў мүмкин бе?

Контракт толық төленбесе, студентти жуўмақлаўшы ямаса аралық имтиханларға киргизбеў мүмкин бе?

    Контрактын төлемеген студентти жуўмақлаўшы ямаса аралық имтиханларға киргизбеў нызамлы тийкарға ийе емес. Егер студент улыўма

Өзбекстанда Исбилермен ҳаял-қызлар кеңеси шөлкемлестирилди

Өзбекстанда Исбилермен ҳаял-қызлар кеңеси шөлкемлестирилди

    Өзбекстанда Исбилермен ҳаял-қызлар кеңеси шөлкемлестирилди. Өзбекстанда жетекши исбилермен ҳаяллардан ибарат Исбилермен ҳаял-қызлар кеңеси шөлкемлестирилди. Бул